Tirana, morte, tirana
“Tirana, morte, tirana
eu de ti teño mil queixas,
quen has de levar non levas
quen has de deixar, non deixas”.
Hoxe é un día moi triste para Treixadura. Déixanos Mingos.
Compañeiro, Gaiteiro, membro fundador do Orfeón Treixadura. Tantos e tantos anos de amizade, de xuntanzas, de viaxes, de aprendizaxes, de música compartida…
En realidade Mingos nunca deixará de estar entre nós. A súa vitalidade, o seu sorriso inmenso… os harmónicos da súa voz seguirán resoando entre tod@s nós.
Nunca te esqueceremos, compañeiro.
Boa viaxe.
Un abrazo inmenso de Treixadura para Fini, a súa muller, e os seus fillos Miriam, Fran e Mingos.
