Concerto de Treixadura – Tui

Concerto de Treixadura en Tui, no marco das Festas de San Telmo, declaradas de interese turístico galego, e que se celebrarán nesta vila desde o 8 ao 17 de abril.

No concerto  revisaremos a nosa discografía, prestando especial atención ao noso último disco Camiño longo, co que quixemos recuperar as melodías dos inicios do grupo para descubrir como lles acae a madurez e a experiencia aos temas máis emblemáticos. Este disco é o rexistro dunha parte da vida compartida con todo o público do grupo: 30 anos de emocións que embotellamos coa esperanza de que vos leven, coma a nós, a revivir momentos entrañables.