Concerto de Treixadura – O Rosal

Concerto de Treixadura no Rosal para presentar o seu novo traballo, Camiño longo e celebrar os máis de 30 anos de andaina do grupo. Estaremos acompañados pola Banda da Agrupación Musical do Rosal!

Con Camiño longo, Treixadura quere recuperar as melodías dos inicios do grupo para descubrir como lles acae a madurez e a experiencia aos temas máis emblemáticos. Este disco é o rexistro dunha parte da vida compartida con todo o público do grupo: 30 anos de emocións que embotellamos coa esperanza de que vos leven, coma a nós, a revivir momentos entrañables.