Concerto de Treixadura – Betanzos

Concerto de Treixadura en Betanzos, no marco das súas Festas Patronais para presentar o seu novo traballo, Camiño longo e celebrar os máis de 30 anos de andaina do grupo.

Con Camiño longo, Treixadura quere recuperar as melodías dos inicios do grupo para descubrir como lles acae a madurez e a experiencia aos temas máis emblemáticos. Este disco é o rexistro dunha parte da vida compartida con todo o público do grupo: 30 anos de emocións que embotellamos coa esperanza de que vos leven, coma a nós, a revivir momentos entrañables.