Tenda

Esgotado

Obrigado

10,00

OBRIGADO supuxo a estrea do grupo no mercado discográfico. O traballo foi ideado como unha homenaxe persoal ó mundo da gaita, incorporando como novidade a voz nalgúns dos temas do disco. Para esto último ademáis das nosas voces, contamos coa colaboración dun grupo de pandereteiras, DONICELAS de Salceda de Caselas.

Agotado

Category:

Descrición de produto

OBRIGADO
Produccións Cormorán

O título do disco fai clara referencia ó que pretendíamos que fora: un aceno de agradecemento a cantos nos antecederon no ámbito da música popular, pois a eles debe TREIXADURA a súa existencia.Por outro lado,consideramos tamén que é a nosa obriga deixar algunha testemuña que sirva de referente para todos aqueles que, nun futuro máis ou menos próximo, pretendan seguir avanzando no camiño da música tradicional galega.

O disco foi gravado nos estudios Cormorán (A Picaraña-Padrón), en Xaneiro de 1996.
Alberto Casas y Xosé M. Tasende se ocuparon do apartado técnico. A producción correu a cargo de Cormorán Produccións e foi distribuído por Discmedi SA.

Daquela compoñíamos TREIXADURA:

Xan López,  Antón López,  Xaquín Xesteira,  Ramón Vázquez e  Paulo Nogueira.

Este traballo conta con doce temas, oito dos cales son tradicionais:

 

  1. Pasodobre Corrido
    Con este tema presentábase TREIXADURA ó seu público nos concertos dos primeiros anos, e con el quixemos comezar o noso primeiro disco. Pertenceu ó repertorio dos gaiteiros OS CAMPANEIROS.
  2. Airiños Aires
    Rapsodia galega de Gustavo Freire.
  3. Foliada da Cantiga Mareira
    A versión escrita é a orixinal de CANTIGAS DA TERRA. A que nós cantamos foinos aprendida por “Xestal”.
  4. Polca dos Areeiras / Danza da Cruz
    A polca pertence ó repertorio dos gaiteiros OS AREEIRAS, de Catoira, un dos grupos máis representativos das Rías Baixas.
  5. Marcha Nupcial
    Marcha para gaita composta polo gaiteiro Nando Casal. O de nupcial ven pola función que cumpriu o tema o día da súa estrea (amenizou o casamento do irmán de Xocas).
  6. Lembranza do Xestal (I) / Lembranza do Xestal (II) Este tema adicámosllo á memoria de Carlos “o Xestal”, home bo e xeneroso, que, ó tempo que nos divertiu, aprendeunos moito da nosa cultura popular. Humorista, cantor, creador de varios grupos de gaiteiros, débeselle, en boa parte, a recuperación da “Marcha do Antigo Reino de Galicia”.
  7. Pasodoble de Emilio
    Máis alá das nosas fronteiras administrativas, no Bierzo galego, a ESCOLA DE GAITAS DE VILAFRANCA ten realizado un traballo de recollida do saber e tocar dos gaiteiros desa zona. Unha mostra é este pasodoble recollido pola citada escola ó gaiteiro Emilio Díaz Gutiérrez.
  8. Alalá de Carballo
    Música recollida por Xesús San Luis Romero e letra de Crisanto Sanmartín. É un tema que conserva a forma característica dos alalás interpretados polos coros galegos (alalá-muiñeira-alalá). Esta é a nosa versión.
  9. Muiñeira do Piñeiro
    Dende TREIXADURA apostamos polas melodías de composición baseadas nos xiros e cadencias populares da nosa música. Esta “Muiñeira do Piñeiro” é un exemplo. Está composta por Rafael Fernández, fillo do gaiteiro José de Aldán. *
  10. Aires de Carnaval / O Camiño do Santo Cristo Tamén do repertorio de OS CAMPANEIROS, escollemos este “pedazo de xota”, de aire picado e moi floreada , que conserva no seu interior todo o sabor e a enxebreza do repertorio dos gaiteiros das Rías Baixas. Unímola cunha muiñeira do mesmo grupo.
  11. Foliada do San Amaro
    O grupo MILLO VERDE de Aldán (Cangas) popularizou este tema na romaría que alí se celebra o día 15 de Xaneiro.
  12. Muiñeira de Oliveira
    Tema tradicional recollido en Santiago de Oliveira (Ponteareas), por Maximino Souto a Angie Dopazo. Contamos para a súa interpretación coa colaboración de AS DONICELAS.

 

Amigos de Treixadura

En “OBRIGADO” contamos coa colaboración de numerosos amigos:

  • Delio Domínguez, quen, dende os nosos comenzos, nos deixou o muíño para os ensaios dos martes.
  • Antón Guisande, autor das fotografías, gran amigo e “fotógrafo oficial” do grupo.
  • Secundino Diz, extraordinario pintor e creador do anagrama que, durante os primeiros tempos, acompañou a TREIXADURA.
  • Dolores Fernández, autora do debuxo de “o Xestal” que figura no disco e asidua siareira do grupo.
  • Xabier e Afonso “Pindoulos”, compoñentes do “Colectivo Poético Pindoulo”, que no seu texto, “Obrigado”,expuxeron a que ben poderíamos considerar como a declaración de principios de TREIXADURA.
  • DONICELAS, grupo de pandereteiras que aportou a súa voz á “Muiñeira de Oliveira”, dándolle o encanto especial e a frescura que estas mozas transmiten en cada unha das súas actuacións. 

Información adicional

Weight 0.1 kg
Dimensións 17 × 17 × 2 cm

Reseñas

There are no reviews yet.

Be the first to review “Obrigado”

O teu enderezo electrónico non se publicará Os campos obrigatorios están marcados con *

Este sitio web utiliza cookies para que vostede teña a mellor experiencia de usuario. Se continúa navegando está a dar o seu consentimento para a aceptación das mencionadas cookies e a aceptación da nosa política de cookies, pique a ligazón para maior información.

ACEPTAR
Aviso de cookies